Aichem Jevonn

Porot mellpachi opexa dhorinastana kel’lem danuch khorem dan.

Tum tujo mog korta tosoch peleacho kor.

Zakam sogllea bhitor Dev dista ani Deva bhitor sogllem dista to soglleancho mog korta

Xikxonn hench osurokxitechem vokot.

Ek fuddari aplea sangateank, tankam zai thoim pavoita. Punn boro fuddari aplea sangateank, tim zoim asunk zai thoim vhorun pavoita.

Tumi odnyan asat hem zannun ghevopuch ginyana kodden vochpi poilem pavl.

Ami jivitant kitle favttim poddtat tem gorzechem nhoi, tor kitle favttim utt’tat tem chodd mhotvachem.

Adlem bodlunk xokona, punn fuddlem tujea hatant asa.

Borem kam’ korunk vell kall lagona.

Khuxal ghorabo mhollear, dhortorevelo sorg.

Tumi loka vixim chint’tat, punn Dev tumche vixim chint’ta.

Amcheo chuki ami mandun ghetat tednach ami fuddem vetat.

Bapui zoso aplea apurbayechea putachi chuk sudarta, tech porim Dev amcheo chuki sudarta.

Monis aplea komiponnakuch lagun aplem svotontr gomoita.

Kitem korum yeta hachi zannvikay tumkam proyotn kelea bogor mellchi na.

Onnbhovantlean monis ghott zata.

Mog ani visvas ekach nanneacheo don bazu.

Apleach sonvsarant jiyevpi monxank, bhailo sonvsar polleunk mellona.

Tumi dusreank dita tednach tumkam mog mellta.

Vaitt vicharank bhair marun tanche suvater borea vicharank bosoyat.

Novo dis amche jinnent portean proyotn korpacho sondex gheun yeta.

‘Magat ani tumkam melltolem’. Devachea utrancher bhavarth dovrat.

Jinnentlea vhoddant vhodd sonkoxttank har mandinastana tondd ditat, tech khore vhodd monis.

Tumkam sukhant vantto zai zalear, tumi dukhantui bhagidar zaunche poddtole.

Tumi tumchea utramni va kornneamni, bhurgeank jem kitem sangtat, tem sodankall tanche toklent urta.

Tumi som’osyecho vantto zaum nakat, sodanch somadhanacho vantto zayat.

Vellant vell kaddun tumchea mogachea mon’xanche panch bore gunn sodun kaddun tankam sangat.

Tumchea dolleant musoll astana, tumi dusreanchea dolleantle kisor koxem kaddum yeta.

Eka chitrant tore toreche rong astat, dor ek rong mhotvacho asta.

Gel’lo dis porot mellona. Aicho dis sufoll korat.

Mogache chavien fatrachem kalliz legit ugoddta.

Tumchea dusmanancher zoit mellounk sodtat; tor tankam tumche ixtt korat.

Jivitant vadoll, varem ani pavs yeta, tednam Devache sotre khala asro gheyat. Toch jivitant indhrodhonu haddta.

Avoy, Devachea mogachem protik.

Sfurt, jid ani gham’ hatuntleanuch monis voir sorta.

Kitem korum, khoinche vatten vochum tem somzona, Devak ulo marat to tumkam vatt dakoytolo. Taka ektteakuch ti vatt khobor asa.

Ek hanso tumchea tonddar jem tez haddta, tem tez tore torechea voktantlean legit mellona.

Khuxalkay vanttat, ti vantt’ta titli vaddta.

Je monis apnnak visrun dusream khatir jiyetat te sasnnak omor urtat.

Nove vichar ani proyotna bogor udorgot zaina.

Tumche lagim kitem asa tache pasot Devache upkar mandat, kitem na tache khatir roddot bosum nakat.

Bhirantin fattim ravche poros, proyotn korun harlolim chodd borim.

Khuxalkay koxi melltoli hem chintop soddun diat. Dusreank khuxal korat, apxinch tumkam khuxalkay melltoli.

Tumi zor sond dixat, Dev tumche khatir kitem-i korit.

Jivit ek xalla. Dusreank mog ani adar korunk xiktat tankanch unchli podvi mellta.

Sonkoxttachea lharank bhiyeun buddche poros, voir sorun tancher zoit melloy.

Dor eka kallzant ek khali zago asta, to fokot Devuch bhorunk xokta.

Tum Devachem ek amolik ani oprup dennem, khoinchea-i bhanddara poros chodd moladik.

Bhirant ek panzro zatunt tumi bondist astat. Bhavarth hi suttkechi chavi.

Moronn mhollear xevott nhoi, ti ek novi survat.

Zoita poros haruch chodd xikvonn dita.

Mog asa thoim Doivik xokt asa.

Faleancho husko soddun diun aichea khinnak jiyeyat.

Jivitachea maknant magnneachem tel ghatlear tem sarkem choltolem.

“Mhojean zaina” him khoinchei bhaxentlim soglleant dukhest utram.

Kitem-i vaitt ghoddta tednam, tache poros vaitt ghoddum yetalem tache vixim vichar korat ani Devan tumkam salvar kelim mhonn argam diat.

Dor ek chuk novem xikpachi sond dita.

Sonkoxttachea vellaruch mon’xachi khori parkhonni zata.

Kallke rati ek mennvat legit uzvadd dita.

Bore monis tuka vatt dakoytat. Mhan monis tuka thoim vhorun pavoytat.

Tujea dukha ani sonkoxtta poros, tum tankam koxem tondd ditai tem chodd gorjechem.

Tum kitem sangta tache poros, tum koxem sangta hacho probhav chodd poddta.