Home | Contact Us | Sitemap

Dezembr (From Archives)

Last Updated: 16 December '08

DEZEMBR

DEZ. 3 PORNNEM GÕY: SANT FRANCIS XAVIERACHEM FEST

DEZ. 8 KOLLONGUTT, MODDGANV, PONNJI, MOIDDEM: SAIBINNICHEM FEST 

DEZ. 25  NATAL

PORNNEM GÕY: SANT FRANCIS XAVIERACHEM  FEST - 3 DEZEMBR

SANT FRANCIS XAVIER  ho Spain desantlo, ek Jezuit padri aplea dhormacho prosar ani prochar korunk Mayache 6 tarker 1541 vorsa Gõyant pavlo.  Tannem Gõychea loka khatir khub vavr kelo ani kitlexech lok tache xikvonnek lagun Kristanv dhormant bhitor sorle.  To khub lokamogall zal'lo.  Gõya aplo vavr somorthponnan korun to Japan ani China desak vochunk bhair sorlo punn vatteruch astana taka Sansian zunvear 3 Dezembr 1552 disa moronn ailem.  Tachea sangateamni tachi kudd thoinsor doria deger boro chuno ghalun matiek layli ani te fuddem gele.  Kaim mhoineamni te tech vatten porot yetale tednam tannim to fonndd ustun pollelo ani tachi kudd taji polleun tankam ojap zalem.  Tannim ti kudd 16 Mars, 1554 vorsa Gõyam haddli. 

Hozaramni lok tachea festa adinch Nov disanchea novenachea disamni Pornnea Gõyam yetat. Fokot Gõychech nhoi tor des videsantlo lok te relikechem dorxon gheunk yetat.  Gõyant Xavierak Gõycho Saib hea nanvan chodd vollkotat. 1952 vorsa meren tache relikek hat laun dorxon gheunk melltalem. Atam ti relik harxeachea kaxavant bond asa ani protyek dha vorsamni hi relik dorxonak bhair kaddtat.  Festak vhoddli feri bhorta.  Sant Francis azunui lokachea uleak pavta ani ochoream korta oso bhavarthi lok mandta.

 

25 Dezembr: Natal

Natal mhollear Christmas, akhea sonvsarbhor Jezuchea zolma disachi porob mhonn monoytat.  Gõyant Natalanchi toyari Novembr mhoineachea xevttakuch suru zata.  Igorzamni toxench ghora ghoramni tore toreche dekhave ani gotte korunk kaim disam adinch bhurge toyarek lagtat.  Veg  vegllea diveanchi manddnni kortat toxench ek sobit neketr sogllea Kristanv ghoramni laytat.  Bhurgeanche pongodd vaddea vaddeamni bhonvun Natalanchi gitam (Carol singing) gaytat.  Ghorantleo ostureo zin'savar kunsvar korunk  nettan survat kortat.  Dodol, bebink, pinagr, kek, batk, nevreo he zin'nos tor Natalanchea disamni soglleach ghoramni gelear khavunk melltat.  Soglle Kristanv lok bore kopdde ghalun Dezembrache 24 ver ratchea 12 voranchea misak vetat ani Jezuchea zolmachi porbim eka mekak ditat.  Ratbhor hottelamni ani her klubamni nach astat.  Soirim dairim ekamekager vetat porbim ditat.  Natal te novem voros meren Igorjechea vattharant dadleam, bailam ani bhurgeam khatir veg veglleo sorti dovortat, natalanchim gitam gavpachi sort asta, toxench sobit neketr, sobit gotto ani sobit dekhaveam khatir sabar inamam astat.  Kaim ganvamni hea disamni Sernet (procession of lamps and float) bhair kaddtat ani vazot gazot akho ganvbhor bhonvtat.  Natalanchi hi porob  Janerachea poilea satalleant yevpi Jezuche ap-porgottnechea (Epiphany)  festa disa sompta.



Readers' Views

No comments entered. Be the first to enter a comment!

Post Your Views

Name : *
Email ID : *
Details : *
* indicates compulsory fields


   

Other "Mhoineache Suvalle" Articles


Archived "Mhoineache Suvalle" Articles

AICHEM JEVONN
Sonkoxttachea lharank bhiyeun buddche poros, voir sorun tancher zoit melloy.
Read more..
KONKNNI
Bolkanv
Konknni mollar Gõycheo ani her ganvcheo mukhel ghoddnnuko
Angonn
Bhurgeam khatir gitam, kovita, kannio ani her bhurgeanache avddiche borpavollicho punzo.
Motiam
Novim utram, tanchi mahiti ani vapor.
Umalle
SMS-achea mollar Konknni.
Mhoineache Suvalle
Gõychim festam, porbo ani zatra
Lokdaiz
Konknni mon’xachem purvil’lem bhanddar (gitam, kannio, mhonni, humannim, opari, adi).
Lekh
Konknni Sod lekh ani her prokarache lekh.
Kotha
Konknni kotha.
Kovita
Konknni kovita ani gitam.
Ankri
Novim pustokam, CD hanchi vollok.
SOD
Research articles published in TSKK Research Bulletin.
ENGLISH
Designed by Team Inertia Technologies