Home | Contact Us | Sitemap

Jose Salvador Fernandes (From Archives)

Last Updated: 02 April '09

Fattim, pustok ugtavnnechea dobajeak gel'lom. Eka nanvostea kovichea kovitechea pustokachi ugtavnni ti. Pustok ugtavnnecho dobazo somptoch, ek Konknni vachpi mhojea borovpantlean to mhaka vollkhotalo, mhojexim yeun mhaka sangunk laglo "borovpam xivai kovita kiteak boroyna?"

Hanv haslom ani ogich ravlom.

Te sanjer ghorche vatter astana, hanvem tea vachpeachea sangnnean mhakach vicharlem, "tum kovita kiteak boroyna?"

Kovita borovpacheo nastat khoim. Kovita borounche khatir teo poileo monant zauncheo tednanchea tednanch kagdar ghalpacheo astat oxem sangtat. Punn mhojea monant aiz meren ekdaim kovita zaunk na. Ek pavtt, kovitechea spordhea khatir chintun chintun ek kovita boroyloli, punn ti spordhent vachtoch, te karyavollik hajir aslolea spordhechea porikxokank nhoi mhonn hajir aslolea lokak-ui somzunk na. Anik ek pavtt hanvem kovitechea rupan volli boroyloleo teo oxeo:

Marfinchea Devak masam khavyiim,

Ani masachea mon'xak haddam khavyilim.

Punn hea vollimni kitli kovita, vo koviteche gunn asle te mhaka khobor na. Aiz, Konknni sahityachea mollar, Konknniche her prokar kelloupeam poros, kovita borovpi chodd asat. Khorech chodd asat! Tantuntlea tantum Konknniche Romi Lipientlean, tor atam konn-ui kovita borounk lagla. Punn tancheo teo ‘Kovita' vachtoch tantum koviteche gunn mat khoinch disonant. Kovita mhonnlear khoreponnim kitem tem aiz meren tankam sarki somzunk na. Poetry is a spontaneous overflow of feelings oxem Inglezintlo famad kovi William Wordsworth mhonnta. Punn amche kovita borovpi spontaneous overflow of feelings nastanaim kovita boroytat mhonn tancheo kovita vachtoch kollun yeta. Romi lipientlean kovita boroytole, kovita borovp mhonnlear fokot jonok zullovp (rhyming) oxem somzotat ani mandtat ani tech toren kovita boroytat. Dekhik,

Pollelem tuka hanvem festak

Tum gelem mhaka gostak

Dis-rat tujem chintun laglom roddpak

Dolle laun mhojea mollbak.

Oxe torechea vollimni jonok zull'lolem asa tem dista, punn tantum kovita, git ani ‘universality' disona, kovitechea nanvar aslole gunn disonant. Dekunuch, oxe torecheo kovita borovpi kovi mhonnun chodd kall sahityachea mollar tigun fattlean sanddtat.

Konknnichea, ani kherit toren Romi lipientlean kovita boroytoleank kovitachea xibiranchi borich goroz asa.

Hea xibiramni bhag gheun kovita prokarachi sar-puri vollok ghevpachi goroz asa. Khori ani bori kovita koxi-kat toyar zata tem onnbhovi kovim koddlean zannun ani xikun ghevpachi goroz asa. Kovite vixim sahitya vachpachi, dusrea bhasantleo-i kovita vachun somzun ghevpachi goroz asa.  Ekech pavttin sangtolo zalear, bori kovita korunk khoincheo-khoincheo gozali monant gheuncheo poddtat tem zanna zavpachi goroz asa.

Hem sogllem hanvem thoddim vorsam korun pollelem, punn aiz meren mhoje thaim kovita borounk zaina. Magir, zaina te gozalincher vell kiteak ibaddum?

 

(c) Jose Salvador Fernandes

 



Readers' Views

No comments entered. Be the first to enter a comment!

Post Your Views

Name : *
Email ID : *
Details : *
* indicates compulsory fields


   

Other "Lekh" Articles


Archived "Lekh" Articles

AICHEM JEVONN
Tumi dusreank dita tednach tumkam mog mellta.
Read more..
KONKNNI
Bolkanv
Konknni mollar Gõycheo ani her ganvcheo mukhel ghoddnnuko
Angonn
Bhurgeam khatir gitam, kovita, kannio ani her bhurgeanache avddiche borpavollicho punzo.
Motiam
Novim utram, tanchi mahiti ani vapor.
Umalle
SMS-achea mollar Konknni.
Mhoineache Suvalle
Gõychim festam, porbo ani zatra
Lokdaiz
Konknni mon’xachem purvil’lem bhanddar (gitam, kannio, mhonni, humannim, opari, adi).
Lekh
Konknni Sod lekh ani her prokarache lekh.
Kotha
Konknni kotha.
Kovita
Konknni kovita ani gitam.
Ankri
Novim pustokam, CD hanchi vollok.
SOD
Research articles published in TSKK Research Bulletin.
ENGLISH
Designed by Team Inertia Technologies