Home | Contact Us | Sitemap

Kovita

NANV
(18 May '09)

NANV

Nanv nasloleak tuka
Dileant hozar nanvam
Hozar nanvam modem
Ami dil'lem khoinchem?

Nanv asloleank amkam
Tilla titlo man na
Zor amkam man mellto
Mon'dirant zago asto.

Ganvant ami bhaile
Devllant ami sokoyle
Atam dorxon amchem
Tuvem gheunchem poddlem.

 
VATT CHUKUN
(01 May '09)

VATT CHUKUN

Vatt chukun tujea mondirant pavlam
Ailam dekhun char gozali sangtam.

Chepil'lea lokachim rudonam
Zaleant mhaka tujim bhojonam.

Dubllea lokan soschi dogdavnni
Hich tuka mhogeli bhettovnni.

 
Ami Ek
(15 April '09)

Ami Ek

Ekech matientlim ami pallam
Ekach rukachim ami follam
Tor kiteak zale vhall rogtache?
Rogtak lagun he zall kallzache.

Ekech avoychim ami pilam
Ekach Devachim ami ballam
Tor kiteak amchim dosam zhogddim?
Zhogddeank lagun bhurgim upaxim.

Ekach rukache ami khande
Ekach khandeache ami fantte
Konnem pixeamni kele vantte?
Amchea kallzamni topun kantte.

 
Mhojea Deva
(01 March '09)
Mhojea Deva

Mhojea Deva, aichea disa
korum tuji kosli seva?

Hanv asam koddsanne thembo
kor mhaka goddsanne limbo.
Hanv gorvan bhorlolo kiddo
korxi mhaka khalto nennto?

Hanv zalam hanga kallki rat
kor mhaka uzvaddachi vat.
Hanv asam nosayechi tar
korxi mhaka moga sitar?

Hanv zalam svarthachem tikttem
kor mhaka nisvarthi agttem.
Mhojem jivit addvem tiddvem
korxi atam sarkem ubem?

 

Pratap Naik, S.J.

 
Deva mhojea Deva
(15 March '09)
 

Deva, mhojea Deva
Tuka dium kitem?

Dud vasrachem uxttem
Ful bhuvrachem uxttem
Mhonv musachem uxttem
Foll chaniechem uxttem
Pik suknneanchem uxttem
Tel ghanneanchem uxttem.

 

Hanga aschem tem sogllem
Uxttem na tor mhellem
Atam korchem kitem?
Tuka diuchem khoinchem?
Konnem mhaka sangchem?
Tuvench sanglear zatem.

 

Pratap Naik, sj

 
Tujem Bhojon
(01 April '09)
 Tujem Bhojon

Tujem bhojon korum koxem?
Tujem kirton gavum koxem?

Moxid moddli, igorz foddli
Mondir moddlem, gopur toddlem
Devalem ghor bhoxttailem
Hachi amkam chinta khont na tor
Tujem bhojon korum koxem?
Tujem kirton gavum koxem?

Tujeach nanvan  dhormachea niban
Ixtt ixttacho jiv kaddtana
Xeazri ghor zolloitana
Mon'xaponn lasun gobor zatana
Tujem bhojon korum koxem?
Tujem kirton gavum koxem?

 

Pratap Naik, S.J.

 

Archived Articles

AICHEM JEVONN
Mogache chavien fatrachem kalliz legit ugoddta.
Read more..
KONKNNI
Bolkanv
Konknni mollar Gõycheo ani her ganvcheo mukhel ghoddnnuko
Angonn
Bhurgeam khatir gitam, kovita, kannio ani her bhurgeanache avddiche borpavollicho punzo.
Motiam
Novim utram, tanchi mahiti ani vapor.
Umalle
SMS-achea mollar Konknni.
Mhoineache Suvalle
Gõychim festam, porbo ani zatra
Lokdaiz
Konknni mon’xachem purvil’lem bhanddar (gitam, kannio, mhonni, humannim, opari, adi).
Lekh
Konknni Sod lekh ani her prokarache lekh.
Kotha
Konknni kotha.
Kovita
Konknni kovita ani gitam.
Ankri
Novim pustokam, CD hanchi vollok.
SOD
Research articles published in TSKK Research Bulletin.
ENGLISH
Designed by Team Inertia Technologies