Home | Contact Us | Sitemap

Konknni Press Releases

TSKK PUROSKAR
(15 Apr '09)

TSKK PUROSKAR

Thomas Stephens Konknni Kendracho (TSKK) namnecho Antonio Pereira Konknni Puroskar (APKP), hea vorsa Fr. Almir de Sousa hankam favo zala.  Romi lipientlean Konknni bhaxent dharmik mollar moladik vavr kel'le khatir tankam ho puroskar favo zala.    Fr. Almir hea puroskarache ekunnisave man'kari.  Xal, yadostik ani 25,000/- hozaranchi chek puroskarant aspavtat. 

Fr. Almiracho zolm 17 Janer 1934 vorsa Sallganvam zalo.  Tannim aplem padriponnachem xikop Gõyche  Rachol Seminarint, Gregorian University, Roma, ani Lumen Vitae, Brussels hangasor kelem.  18 Dezembr  1960 disa tankam padriponnachi ord mell'li.  Tannim sogllim mellun 25 pustokam boroyleant va som'padit keleant.  Tanchea pustokam modem mhotvachim pustokam mhollear Utor ani Jivit hi mall, he mallent tanchim panch pustokam asat, Magnneacho Turo hantum 6 pustika, Somiachem Jevonn, Mis ani 8 Kristanv dotorn xikounchim pustokam aspavtat. 

Fr. Almiran Gõy Arsediosejint zaite mhotvache hud'de samball'leat.  Sallganv Seminariche te Prefect asle.  Bispachea ghorant tanchi nemmnnuk Pro Notary mhonn zali.  Diosejichem Dotornichem Kendr 1969 vorsa suru zalem ani hea kendrache poile sekretar mhonn tanka nemle.  Hem Kendr ghoddounchi ani vaddounchi soglli zobabdari tannim umedin samball'li.  Gõychea igorzamni tannim zaito vavr kela. Raibondorchea Immaculate Conception hea Kopelant tannim aplo Gonvllik vavr suru kelo.  Tea uprant Jun 1980 vorsa tanchi nemnnuk poilech pavt vigar mhonn St. Estevache firgojent zali.    Uprant te Vernneche firgojent vigar mhonn vavurle.   Bholaikechea karonnak lagun tankam gonvllik vavr soddcho poddlo ani  Pornnea Gõyam Sevadhormik Kendracho sekretar mhonn  tanchi nemnnuk zali.  St. Estevam astana tannim St. Estevanchi Zap ani Vernna astana tannim Vernnechi Zap him firgoz potram suru kelim. Pap Saib Juanv Paul Dusro Gõyant ailolea vellar he bhettechi soglli toyari Fr. Almiran aplea khandancher bore toren samball'li toxench 2000 Krist Joyon'ti Utsovik vorsachi toyariy tannim bore toren samball'li.    Sod'deak te Uskoy firgojent gonvllik vavr kortat.  Uskoy firgojechem firgoz potr Zagruti hachi tannim borench sudharop kelam.

Pattlea don vorsam thavn Thomas Stephens Konknni Kendr ‘Konknni Martir Florian Vaz' Puroskar dita.  Janer te Dezembr meren Romi lipientlean uzvaddak ailolea boreantlea borea pustokak ho puroskar favo zata.  2008 vorsacho puroskar Kepem-chea Walter Menezes hankam favo zala.  Tanche ‘Zoit' hea kovita songrohak ho puroskar favo zata.  Walter Menezes ek takotdar ani zobabdar borovpi.  Konknni ani Inglix bhaxamni te lekh boroytat.  Xal, yadostik ani panch hozar rupia, hea puroskarachem svorup. 

Hea vorsachem Loureço ani Umbelina de Sousa skolorxip hea vorsa Vascoche Bay Concy Fernandesak favo zalam.  Hea donui puroskaram soit hem skolorxip diunchi karyavoll Kendrant 28 Abril, Mongllara sanjer zust 05.30 vorancher zatoli.  Gõy Doordarshan Kendrache adle son'chalok karyavolliche mukhel soyre astole.  Hi karyavoll soglleam khatir ugti asa.

 
AICHEM JEVONN
Tujea dukha ani sonkoxtta poros, tum tankam koxem tondd ditai tem chodd gorjechem.
Read more..
KONKNNI
Bolkanv
Konknni mollar Gõycheo ani her ganvcheo mukhel ghoddnnuko
Angonn
Bhurgeam khatir gitam, kovita, kannio ani her bhurgeanache avddiche borpavollicho punzo.
Motiam
Novim utram, tanchi mahiti ani vapor.
Umalle
SMS-achea mollar Konknni.
Mhoineache Suvalle
Gõychim festam, porbo ani zatra
Lokdaiz
Konknni mon’xachem purvil’lem bhanddar (gitam, kannio, mhonni, humannim, opari, adi).
Lekh
Konknni Sod lekh ani her prokarache lekh.
Kotha
Konknni kotha.
Kovita
Konknni kovita ani gitam.
Ankri
Novim pustokam, CD hanchi vollok.
SOD
Research articles published in TSKK Research Bulletin.
ENGLISH
Designed by Team Inertia Technologies