BHAGI MONIS (From Archives)

Doriant eka zunvear ek mondir aslem.  Tea mondirant dusrea dusrea akaracheo zaiteo lhan, vhoddleo ghantti asleo.   Jednam varem martalem, va tufan zatalem tednam teo soglleo ghantti sangata vaztaleo ani tanchea avazan  songitacho  ek nad toyar zatalo.  To aikunk khub boro lagtalo.

   Zaitea xekddeam uprant to zunvo doriant buddlo.  Zo konn doria toddir bosun chit diun aikota taka tea ghanttincho nad aikunk yeta oxem lok mhonntalo.  Hem chintop loka modem  vistarun tem tanchea lokvedacho ek vantto zal'lem.  Jednam poixilea desantlea eka tornatteachea kanar hi khobor poddli, tednam to nad aikunk  tea doria toddir ailo.  Kitlexech dis voranchim voram to doria toddir boslo.  Punn taka ghanttincho nad aikunk ailo na.  Taka fokot doriachea lharancho avaz aikunk yetalo.  Tea lharancho avaz kuxin korun ghanttincho nad aikunk tannem khub proyotn kele. Punn kaim faido zalo na.

Ganvchea zanntteam kodde to apnnachi niraxa sangtalo.  Tantlea kaim zonnamni mhonnlem, "Ami to nad amchea kanamni aikola.  Mondirachea ghanttichea nada vixim mhalgoddeanchi ji sangnni asa ti samki khori.  Ghanttincho nad aikunk tornattean kel'lem sadhon nirfoll zalem.  To ganv soddun aplea desak vochunk to sodtalo.  Tea ganvantlo tacho nimanno dis aslo.  Doria toddir renver to udaro nidun aslo ani doriacho avaz tachea kanar poddtalo.  Sott'tt korun tea lharanchea avaza modem taka eke ghantticho nad aikunk ailo. Uprant ekek ghantticho nad tachea kanar sadunk laglo.  Sontosachea nadant to tornatto buddlo.

   Zankam  bhitorle kan asat tankam lharanchea avazant Devacho tallo aikunk yeta.

Pratap Naik, S.J.

Readers' Views

Post Your Views

Other "Kotha" Articles

• Bhogsonnem (18 May '09)
• Svotakhatir vichar kor (01 May '09)
• Nosay (15 April '09)
• Bhai Ghanaya (02 April '09)
• Thomas Edisonan (01 June '09)
• Movall Utor (16 June '09)

Archived "Kotha" Articles

• Makddacho Khell (01 March '09)
• Razacho Parvo (16 February '09)
• Sodam zanniv (01 February '09)
• BHAGI MONIS (01 January '09)